საქართველოს ნაკრების ნახევარმცველი გიორგი ჩაკვეტაძე ბელგიის იუპილერ ლიგის სიმბოლურ ნაკრებში ზედიზედ მეორედ მოხვდა. 19 წლის ჩვენებურის გარჯა მე-12 ტურში თითქმის ყველა ბელგიურმა გამოცემა გამოარჩია.
მათ შორის, Walfoot.be-მ, Voetbalkrant.com-მა და voetbalpremeur.be-მ. აი, რას წერს ეს უკანასკნელი გამოცემა:
„მეორე მხარეს არის გიორგი ჩაკვეტაძე. ახალგაზრდა ქართველი კიდევ ერთხელ იყო ბრწყინვალე „გენტში“ და უკვე გოლების გატანაც შეუძლია. მან „შარლერუასთან“ ორჯერ გაიტანა და ჩვენი ვერსიით ტურის ფეხბურთელია!“.
შეგახსენებთ, გიორგიმ გასულ უიქ-ენდზე „შარლერუასთან“ ჩინებულად ითამაშა, დუბლი შეასრულა და „გენტს“ გამარჯვება მოუტანა (2:1).
აქვე გეტყვით, რომ ჩაკვეტაძე ბელგიის მე-11 ტურის სიმბოლურ ნაკრებშიც მოხვდა.
