უეფას ვებგვერდმა ოფიციალურად დაადგინა მომავალი, 2018-2019 წლების სეზონის ჩემპიონთა ლიგის კალენდარი.

ფორმატი უცვლელი რჩება და ტურნირში კვლავინდებურად 32 გუნდი ითამაშებს, საიდანაც 26 გუნდი ავტომატურად (მიმდინარე სეზონში შიდა ჩემპიონატებში ნაჩვენები შედეგებით) ჯგუფურ ეტაპზე მოხვდება (ესპანეთი, ინგლისი, იტალია და გერმანია 4-4 გარანტირებულ ადგილს მიიღებენ). აღსანიშნავია, რომ ეს სიახლეა და ტოპ ჩემპიონატებიდან მეოთხე ადგილი ჯგუფური ეტაპის მომტანი აქამდე არ იყო.

არის მეორე სიახლეც, რომელიც ჯერ კიდევ 2016 წლის დეკემბერში გაოფიციალურდა. კერძოდ, მატჩები ახალი დროით გაიმართება. თუ აქამდე, დაჩვეული ვიყავით, რომ ჩემპიონთა ლიგაზე ყველა შეხვედრა ერთ დროს, 23:45 (ან 22:45) საათზე იწყებოდა, დამდეგი სეზონიდან ასე არ იქნება. მაგალითად, ჯგუფურ ეტაპზე გასამართი რვა მატჩიდან ნაწილი ევროპული დროით 19:00 საათზე (ჩვენი დროით 21:00 და 22:00), ხოლო დანარჩენი 21:00 საათზე (ჩვენი დროით 23:00 ან 00:00) დაიწყება. აღსანიშნავია, რომ ანალოგიურ რეჟიმში გაიმართება ხუთშაბათობით ევროპა ლიგის თამაშებიც.

აქვე, გთავაზობთ, 2018-2019 წლების სეზონის კალენდარს:

10/11 ივლისი: პირველი საკვალიფიკაციო ეტაპი

17/18 ივლისი: პირველი საკვალიფიკაციო ეტაპი (საპასუხო მატჩები)

24/25 ივლისი: მეორე საკვალიფიკაციო ეტაპი

31 ივლისი/1 აგვისტო: მეორე საკვალიფიკაციო ეტაპი (საპასუხო მატჩები)

7/8 აგვისტო: მესამე საკვალიფიკაციო ეტაპი

14 აგვისტო: მესამე საკვალიფიკაციო ეტაპი (საპასუხო მატჩები)

21/22 აგვისტო: პლეი-ოფი

28/29 აგვისტო: პლეი-ოფი (საპასუხო მატჩები)

18/19 სექტემბერი: ჯგუფური ეტაპი (პირველი ტური)

2/3 ოქტომბერი: ჯგუფური ეტაპი (მეორე ტური)

23/24 ოქტომბერი: ჯგუფური ეტაპი (მესამე ტური)

6/7 ნოემბერი: ჯგუფური ეტაპი (მეოთხე ტური)

27/28 ნოემბერი: ჯგუფური ეტაპი (მეხუთე ტური)

11/12 დეკემბერი: ჯგუფური ეტაპი (მეექვსე ტური)

12/13/19/20 თებერვალი: მერვედფინალი

5/6/12/13 მარტი: მერვედფინალი (საპასუხო მატჩები)

9/10 აპრილი: მეოთხედფინალი

16/17 აპრილი: მეოთხედფინალი (საპასუხო მატჩები)

30 აპრილი/1 მაისი: ნახევარფინალი

7/8 აპრილი: ნახევარფინალი (საპასუხო მატჩები)

შაბათი, 1 ივნისი: ფინალი (მადრიდი, “ესტადიო ვანდა მეტროპოლიტანო”)

აქვე გეტყვით, რომ ევროპა ლიგის ფინალი 29 მაისს, ბაქოში გაიმართება, ხოლო ევროპის სუპერთასი 2019 წლის 15 აგვისტოს ტალინში შედგება.