როგორც იცით, კახა ჩხეტიანი მარტვილის “მერანიდან” წავიდა და მისი შემცვლელის საკითხიც თითქმის გადაწყვეტილია – ზურაბ იონანიძე. თუმცა, “მსოფლიო სპორტი” როცა იონანიძეს დაუკავშირდა, გადაწყვეტილი პასუხი ვერ მიიღო:
“ჯერ 100 პროცენტით არაა გადაწყვეტილი. როცა გადაწყდება, ყველანი შეიტყობთ”.
რა შეხსენება გინდათ, 42 წლის იონანიძე საქართველოს ჩემპიონატის ყველა დროის საუკეთესო ბომბარდირი გახლავთ. მას საქართველოს, რუსეთისა და უკრაინის ჩემპიონატებში, მთლიანობაში 490 მატჩში 231 გოლი გაუტანია. მოთამაშის კარიერის დასრულების შემდეგ, ერთი პერიოდი, “იონა” “ზესტაფონის” სელექციონერი გახლდათ.
