“მსოფლიო სპორტი” ბერძნულ-რომაულ ჭიდაობაში ევროპის ჩემპიონატზე 74 კგ წონით კატეგორიაში ვერცხლის მედლის მფლობელ ზურაბ დათუნაშვილს ესაუბრა.

- შედეგით კმაყოფილი ხართ?

- თუ გავითვალისწინებთ, რომ ფინალამდე მივედი და იქ ევროპის, მსოფლიოსა და ოლიმპიური თამაშების ჩემპიონს ვხვდებოდი, რა თქმა უნდა, შედეგით კმაყოფილი ვარ.

- რის ხარჯზე შეძლო მეტოქემ თქვენი დამარცხება?

- გამოცდილების ხარჯზე. ეს ჩემთვის პირველი მედალია - ევროპის ჩემპიონატზე რომ არაფერი ვთქვათ, საერთოდ კარიერაში.

ფინალში ყველაზე მეტად გამიჭირდა. ეს ერთადერთი შეხვედრა აღმოჩნდა, სადაც დავმარცხდი. პირველ შეხვედრაშიც გამიჭირდა, მაგრამ ღვთის მადლით შევძელი გამარჯვების მოპოვება და ფინალამდე მოვედი.  

- მომავალში რა გეგმები გაქვს დასახული?

- მინდა ვიმუშაო ჩემს თავზე. ყველა ტიტულის მოგებას ვაპირებ, სადაც მივიღებ მონაწილეობას.