გოჩა ხოჯავამ ლარნაკას აეკ-ი დატოვა და დიდი ალბათობით კარიერას სხვა კვიპროსულ კლუბში – არადიპოუს “ერმისში” გააგრძელებს. ამის შესახებ კვიპროსული ინტერნეტპორტალი shootandgoal.com-ი იუწყება.
29 წლის ქართველი ფეხბურთელი აეკ-ში მიმდინარე ზაფხულში ჩაირიცხა და კლუბთან ერთწლიანი კონტრაქტი გააფორმა. თუმცა, ბოლო პერიოდში კვიპროსული პრესა მისი გუნდიდან შესაძლო წასვლის თაობაზე იუწყებოდა. საბოლოოდ, ხოჯავამ ლარნაკელებთან კონტრაქტი გაწყვიტა და “ერმისში” ითამაშებს.
“ერმისის” მთავარ მწვრთნელს ნიკოს პანაიოტუს ნახევარდაცვის გაძლიერება და ქართველის თავის გუნდში ხილვა სურდა.
