ტურინის “იუვენტუსის” ჩერნოგორიელმა ფორვარდმა მარკო ვუჩინიჩმა იტალიურ პრესას გაუმხილა, რომ ძალიან უნდა საკლუბო დონეზე თანამემამულე სტევან იოვეტიჩის მხარდამხარ თამაში და სავსებით შესაძლებელია ოცნება მალე აუხდეს.
“ნაკრებში ერთად ვთამაშობთ და პოზიციებს ხშირად ვცვლით. ძალიან ძლიერი ფეხბურთელია, თან ჩემი მეგობარია და ბედნიერი ვიქნებოდი, “იუვენტუსშიც” რომ ჩემს გვერდით იყოს. მისი ტრანსფერის საკითხზე, როგორც ვიცი ჩვენი კლუბის ხელმძღვანელობამ “ფიორენტინასთან” მოლაპარაკება უკვე წამოიწყო. იმედია საქმე მალე მოგვარდება” – აცხადებს ვუჩინიჩი.