პროფესიონალ მოკრივეთა შორის სუპერმძიმე წონაში მსოფლიოს მოქმედმა ჩემპიონმა ვლადიმირ კლიჩკომ (უკრაინა) სამოყვარულო კრივის საერთაშორისო ფედერაციის პრეზიდენტ ჩინგ-კუო ვუმისგან თანხმობა მიიღო, რომ 2016 წლის რიო დე ჟანეიროს (ბრაზილია) ზაფხულის ოლიმპიადაზე იასპარეზებს.
ამის შესახებ განცხადება თავად ჩინგ-კუო ვუმიმ გააკეთა.
“მიმაჩნია, რომ ეს გადაწყვეტილება ხელს შეუწყობს სამოყვარულო კრივის განვითარებას”, - განაცხადა ჩინგ-კუო ვუმიმ.
შეგახსენებთ, რომ ვლადიმირ კლიჩკომ ჯერ კიდევ 2012 წელს გამოთქვა 2016 წლის ზაფხულის ოლიმპიადაზე მონაწილეობის სურვილი და ეს გადაწყვეტილება ამის შემდეგაც არაერთხელ დაადასტურა.
