ესპანეთის ფეხბურთელთა ეროვნული გუნდის მთავარმა მწვრთნელმა ვისენტე დელ ბოსკემ სამხრეთ აფრიკის ნაკრებთან ამხანაგურ მატჩში მარცხის (0:1) შემდეგ განაცხადა, რომ მისმა შეგირდებმა ბოლო პერიოდში ერთ-ერთი ყველაზე ცუდი შეხვედრა ჩაატარეს.
“იყო თუ არა ეს თამაში ყველაზე ცუდი ესპანეთისთვის ბოლო პერიოდში? შესაძლოა. შემიძლია ვთქვა, რომ წაგება დავიმსახურეთ. შეხვედრა არცთუ ცუდად დავიწყეთ, მაგრამ, მეტოქემ თანდათან ინიციატივა ხელთ ჩაიგდო და სახიფათო კონტრშეტევების განხორციელების საშუალება მივეცით. ჩვენ ბოლომდე ვიბრძოლეთ და ანგარიშის გათანაბრება შეგვეძლო. ამიტომ, ბიჭების მხრიდან საქმისადმი დამოკიდებულებაზე პრეტენზია არ მაქვს” – იუწყება დელ ბოსკეს სიტყვებს ესპანური მედია.
