24 მაისს ჩემპიონთა ლიგის ფინალში ერთმანეთს 2 მადრიდული გუნდი “რეალი” და “ატლეტიკო” დაუპირისპირდება ერთმანეთს. ლისაბონური გადამწყვეტი მატჩის შემდეგ წინა პლანზე ბრაზილიის მსოფლიოს ჩემპიონატი გადმოიწევს. წინა მუნდიალის ტრიუმფატორთა დამრიგებელი ვისენტე დელ ბოსკე “ბლანკოსის” იტალიელი მთავარი მწვრთნელი კარლო ანჩელოტის საქმიანობაზე მეტად მაღალი აზრისაა, “ფურია როხას” შემადგენლობაში მუნდიალზე კი ახალბედების გამოჩენასაც არ გამორიცხავს.

- უპირველესად რამ განაპირობა “რეალის” წარმატება “ბაიერნთან” ორრაუნდიან დაპირისპირებაში?

- მადრიდელებმა 2 ბრწყინვალე საფეხბურთო სპექტაკლი დადგეს. კარლო ანჩელოტის გუნდი მეტად ძლიერად გამოიყურებოდა როგორც დაცვაში, ასევე იერიშების წარმოების დროსაც. მთლიანობაში “ბლანკოსმა” მეტოქეს აჯობა, მიუნხენელები კი საგოლე მომენტების შექმნას პრაქტიკულად ვერ ახერხებდნენ.

- “სანტიაგო ბერნაბეუზე” კარლო ანჩელოტის საქმიანობას დადებითად მიიჩნევთ?

- იტალიელმა სპეციალისტმა იოლად გამონახა საერთო ენა გუნდის ფეხბურთელებთან. ანჩელოტი თანდათან, მეთოდურად მიიწევს სანუკვარი მიზნისკენ. მთლიანობაში მას ფეხბურთის შემდგომი განვითარების საქმეში დიდი წვლილი შეაქვს და თამამად შემიძლია განვაცხადო – სინიორ კარლო ფეხბურთს ამდიდრებს.

- საკლუბო სეზონი თანდათან დასასრულს უახლოვდება და მალე ყველა სამუნდიალე ნოტზე გადაერთვება. “ფურია როხას” გულშემატკივრებს აინტერესებთ, მოხვდება თუ არა სამსოფლიოჩემპიონატე განაცხადში ალვარო არბელოა...

- ყველაფერი ექიმებზეა დამოკიდებული. ტრავმირებულთა დედლაინი 25 მაისს იწურება. სწორედ მაშინ ჩამოვწერ საბოლოო სიას. 23 მაისს ექიმებთან კონსულტაციას გავივლით და საბოლოო სიტყვა მათ ეკუთვნით. ტრავმირებულებს წინა ტურნირების სტარტამდე რამდენიმე დღით ადრეც მივეცით შანსი, რამაც პირდაპირ ვიტყვი, არ გაგვიმართლა.

- ბოლო დროს კარგი თამაშით დანი კარვახალი გამოირჩა. მას ბრაზილიაში გამგზავრების შანსი აქვს?

- კარვახალმა “ბაიერნის” წინააღმდეგ ფანტასტიკურად იასპარეზა. მუნდიალზე წასვლის შანსი დებიუტანტებსაც ექნებათ, თუმცა, საბოლოო შემადგენლობაში მათგან მხოლოდ ერთი-ორი მოთამაშე თუ მოხვდება.