პოპულარული ინტერნეტგამოცემა Goal-ის ცნობით, “მანჩესტერ იუნაიტედის” სერბმა მცველმა, ნემანია ვიდიჩმა “ინტერთან” პირადი კონტრაქტის დეტალები შეათანხმა.

ვიდიჩი რომ მიმდინარე სეზონის ბოლოს “მანჩესტერს” დატოვებს, ეს უკვე ცნობილია. ცოტა ხნის წინათ, “ინტერის” წარმომადგენლებმა დაადასტურეს, რომ 32 წლის ფეხბურთელი მათი ინტერესის სფეროშია მოხვედრილი.

გავრცელებული ინფორმაციით, ვიდიჩი “ინტერთან” ორწლიან კონტრაქტს გააფორმებს და მისი წლიური ანაზღაურება 3 მილიონი ევრო იქნება.

ვიდიჩი “მანჩესტერში” 2006 წლიდან თამაშობს. “წითელი ეშმაკების” მაისურით მან 286-ჯერ მოირგო.