9 მარტიდან პორტუგალიის ქალაქ პორტოში  ასპარეზობა დაიწყეს ვეტერანმა მოჭადრაკეებმა. ევროპის  წლევანდელ პირველობაზე სიახლეაა – მონაწილეები ორ ასაკობრივ ქვეჯგუფად დაიყვნენ: 50 წლიდან – 65 წლამდე და 65 წლიდან ზემოთ.

საქართველოს სახელით ევროპის სენიორთა ჩემპიონატზე 5 მოჭადრაკე ასპარეზობს: მამაკაცთა (+50) შორის  მონაწილეობს საქართველოს ოლიმპიური ნაკრების მწვრთნელი ქალთა შორის, საერთაშორისო დიდოსტატი ზურაბ სტურუა (2524).

ქალთა შორის (+50) მონაწილეობენ: მრავალგზის საჭადრაკო ოლიპიადების გამარჯვებული ნინო გურიელი (2329) და საერთაშორისო ოსტატი ციალა ქასოშვილი (2112).

მსოფლიოს მრავალგზის ჩემპიონი ნონა გაფრინდაშვილი (2304) და საერთაშორისო დიდოსტატი თამარ ხმიადაშვილი (2083) +65 ტურნირში სცდიან ძალებს.

ჩემპიონატში სათამაშო დღებია: 9-17 მარტი. თამაშები ადგილობრივი დროით 10.00 საათიდან იწყება. 18-20 მარტს შეჯიბრი გაიმართება რაპიდში, ხოლო 21-ში – ბლიცში.

საპრიზო ფონდი კლასიკურ ჭადრაკში:

ჩემპიონატის  პირველ ტურში გამარჯვებები მოიპოვეს: სტურუამ – შტეინ სოლიდთან (ნორვეგია, 2057), ხმიადაშვილმა უშუალო კონკურენტ ვალენტინა კოზლოვსკაიასთან (რუსეთი, 2169) და გაფრინდაშვილმა ტამარა ზაიცევასთან (რუსეთი, 2099).

ფრედ დაასრულეს შეხვედრები: გურიელმა ლიგია  ჟიკმანთან (რუმინეთი, 2154) და ქასოშვილმა – გალინა სტრუტინსკაიასთან (რუსეთი, 2290).

აღსანიშნავია, რომ გაფრინდაშვილ ხმიადაშვილისგან განსხვავებით, ასპარეზობის დანარჩენი სამი მონაწილე: გურიელი, ქასოშვილი და სტურუა სენიროთა შორის ევროპის ინდივიდუალური ჩემპიონატის დებიუტანტები არიან.