ლონდონის “არსენალის” მცველ ტომას ვერმალენს იტალიაში მსურველები მრავლად ჰყავს. აპენინური მედიის ინფორმაციით, ბელგიელი ყველაზე ახლოს ტურინის “იუვენტუსში” გადასვლასთანაა.
“მეთოფეთა” უკანახაზელს კლუბთან კონტრაქტი მომდევნო ზაფხულს ეწურება, მაგრამ ჯერჯერობით უცნობია, გააგრძელებენ თუ არა მხარეები თანამშრომლობას. დიდი ალბათობით, ვერმალენი არსენ ვენგერის გუნდს უახლოეს თვეებში დაემშვიდობება.
“იუვენტუსის” გარდა, ბელგიელის ხილვა “რომასა” და “ნაპოლის” სურთ. ვერმალენის ტრანსფერი 14 მილიონ ევროდაა შეფასებული.
