კურიოზული შემთხვევა მოხდა "არსენალსა" და "მანჩესტერს" შორის გამართული შეხვედრის წინ. ინგლისური პრესის ცნობით, რობინ ვან პერსი, შემთხვევით, მასპინძელი გუნდის გასახდელს ეწვია.

როგორც იცით, ვან პერსი "არსენალში" 8 წლის განმავლობაში თამაშობდა და მისთვის ლონდონური გუნდის გასახდელის მონახულება უცხო ნამდვილად არაა. Daily Mail-ის ცნობით, დღეს გამართული შეხვედრის წინ, მეტოქე გუნდის ბანაკს მიაშურა და თავისი შეცდომა გასახდელის კარებთან გააცნობიერა.

თამაში 1:1 დასრულდა. სტუმართა მხრიდან, ერთადერთი გოლი სწორედ ვან პერსიმ, თერთმეტმეტრიანის ნიშნულიდან გაიტანა.