ლონდონის “არსენალის” შემტევი თეო უოლკოტი გუნდის მიერ მესუთ იოზილის ყიდვით კმაყოფილი დარჩა. ინგლისელის თქმით, გერმანელი შემტევი ნახევარმცველი გუნდს ტიტულებისთვის ბრძოლაში დაეხმარება.
“ეს ტრანსფერი ნათლად გვიჩვენებს, რომ ნაბიჯი წინ გადავდგით და ტიტულებისთვის ბრძოლა შეგვიძლია. სეზონის სტარტი არცთუ კარგი გვქონდა, მაგრამ შემდეგ, ყველაფერი გამოვასწორეთ და ახლა, ძალიან კარგად გამოვიყურებით.” – ციტირებს უოლკოტის სიტყვებს Goal-ი.
