გულშემატკივრებმა ალბათ იციან, რომ ლეგენდარულ არგენტინელ ფეხბურთელს, დიეგო მარადონას ვაჟი ჰყავს – დიეგო ჯუნიორი. ჰოდა, ეს უმცროსი დიეგო არც მეტი, არც ნაკლები სულ ახლახანს არგენტინის მესამე დივიზიონის კლუბ “ელ პორვენიში” რიგით ფეხბურთელად მიიღეს.
უმცროსი დიეგო 1986 წელს დაიბადა იტალიაში. ამ დროს უფროსი დიეგო “ნეაპოლში“ თამაშობდა და იმ წელსვე მსოფლიო ჩემპიონატიც მოიგო. მხოლოდ 1990 წელს განაცხადა ვინმე ნეაპოლელმა ქალბატონმა, რომ ლეგენდარული მარადონასგან ვაჟი ჰყავდა. მარადონა თავიდან რა თქმა უნდა უარზე იყო, მაგრამ დეენემის პასუხმა დაადასტურა, რომ მამა მართლაც დიეგო არმანდოა.
ასე რომ, ფეხბურთის გულსემატკივრებო, ელოდეთ ახალი ვარსკვლავის ამობრწყინებას. ამბობენ, კვიცი გვარზე ხტისო და იქნებ უმცროსმა მარადონამაც ისევე გაითქვას სახელი, როგორც მამამისმა, რომელზეც დღემდე აღფრთოვანებით ლაპარაკობენ სპორტის ქომაგები.