მიუნხენის "ბაიერნის" პრეზიდენტს სჯერა, რომ სპორტული დირექტორის, მათიას ზამერის საჯარო კრიტიკას კლუბის დაზიანება შეუძლია. ული ჰიონესის განცხადებით, კლუბმა "ჰანოვერთან” მატჩი მოიგო (2:0), სხვადასხვა კლუბები კი მათ დასცინოდნენ.

"კლუბის ხშირად გაკრიტიკება ნაკლებად ეფექტურია. ხანდახან კრიტიკა სასარგებლოცაა, მაგრამ "ბაიერნი" ამას ნამდვილად არ იმსახურებს. დორტმუნდში ხალხი მწარედ დაგვცინის. ზამერთან ამ საკითხზე აუცილებლად მექნება საუბარი, რადგან ხალხს ჩვენ მიმართ ცუდი შთაბეჭდილება ექმნებათ". _ განუცხადა Bild-ს ჰიონესმა.

შეგახსენებთ, რომ მათიას ზამერმა თავისი კლუბი საჯაროდ გააკრიტიკა და გვარდიოლას გუნდს თამაშის ხარისხი დაუწუნა.

ბუნდესლიგაში ხუთი ტურის შემდეგ, "ბაიერნი" 13 ქულით მეორე ადგილზეა და ცხრილის სათავეში მყოფ დორტმუნდის "ბორუსიას" ორი ქულით ჩამორჩება.

გიორგი ბალახაძე