ჯანო ანანიძის “როსტოვმა” საკონტროლო მატჩი გამართა ჩეხეთის ჩემპიონ “პლზენთან” და 1:1 დაასრულა. ქართველმა ნახევარმცველმა შეუცვლელად ითამაშა და ერთ მომენტში ცოტა დააკლდა გოლამდე: მეკარემ ცხრიანიდან ჩამოხსნა ბურთი.
როგორც იცით, “პლზენს” თბილისის “დინამოს” ყოფილი მწვრთნელი დუშან უჰრინი თავკაცობს. უჰრინმა მატჩის შემდეგ “როსტოვის” ორი ფეხბურთელი გამოარჩია: ჯანო ანანიძე და არტიომ ძიუბა.
“ამ ორმა ფეხბურთელმა ბევრი პრობლემა შეგვიქმნა. მთლიანობაში, “როსტოვმა” კარგი შთაბეჭდილება დატოვა”.
შეხვედრა კვიპროსზე გაიმართა და თემურ ქეცბაიაც დაესწრო – რა თქმა უნდა, ანანიძის თამაშის სანახავად.
