საქართველოს ახალგაზრდული ნაკრები ევროპის 2015 წლის ჩემპიონატის საკვალიფიკაციო ეტაპის ბოლო მატჩს ჰოლანდიაში ითამაშებს.

სატურნირო ცხრილიდან გამომდინარე, ალექსანდრე ჩივაძის გუნდს ფინალურ ეტაპზე გასვლის შანსი დაკარგული აქვს – მესამე ადგილი და 7 ქულა ჯგუფში.

ბოლო მატჩისთვის, ნაკრების მთავარმა მწვრთნელმა შემდეგი 20 ფეხბურთელი გამოიძახა:

მეკარეები: გიორგი ნადირაძე („სპარტაკი“, ცხინვალი), ოთო გოშაძე („ქასიმფაშა“, თურქეთი).

მცველები: თედო გრიგალაშვილი („ზესტაფონი“), მამუკა კობახიძე („რუბინი“, რუსეთი), დავით უბილავა, დავით მთივლიშვილი (ორივე „ლოკომოტივი“, თბილისი), ნიკა ჭანტურია, ოთარ კაკაბაძე (ორივე „დინამო“ თბილისი), ლაშა დვალი („სკონტო“, ლატვია).

ნახევარმცველები: ლუკა კიკაბიძე („ბასტია“, საფრანგეთი), ნიკა ძალამიძე („ვიძევი“, პოლონეთი), ჯამბულ ჯიღაური („ჩიხურა“, საჩხერე), ავთო ენდელაძე („ზესტაფონი“), გიორგი პაპუნაშვილი, მათე ცინცაძე (ორივე „დინამო“ თბილისი), გიორგი აბურჯანია („ანორთოსისი“, კვიპროსი)

თავდამსხმელები: გიორგი ფანცულაია („ზესტაფონი“), ბაჩანა არაბული („დილა“, გორი), გიორგი ქვილითაია („დიორ ეტო“, უნგრეთი), ლაშა ომანიძე („კალევი“, ესტონეთი)

ახალგაზრდული ნაკრები ჰოლანდიაში 2 სექტემბერს, დილით გაემგზავრება. ჰოლანდიისა და საქართველოს მატჩი კი, 4 სექტემბერს, ქალაქ დევენტერში, თბილისის დროით 21:30 წუთზე დაიწყება.

სფფ-ის პრესსამსახური