ანა ტატიშვილი ბუდაპეშტში მიმდინარე საერთაშორისო ტურნირს (საპრიზო ფონდი 235 ათასი დოლარი) მერვედფინალში გამოეთიშა, წყვილებში კი ნახევარფინალში გასვლა შესძლო.

ტატიშვილის და რუსი ნინა ბრატჩიკოვას დუეტი მეოთხედფინალში უნგრელთა წყვილს (ბუკტა-იანი) დაუპირისპირდა და 7:5, 6:3 სძლია, რისი წყალობითაც 130 სარეიტინგო ქულა გამოიმუშავა.

ნახევარფინალში ანა და ნინა ავსტრიელ კლემენშიცს და სლოვენიელ კლეპაჩს ეთამაშებიან, რომელთაც პირველი განთესვის მქონე უნგრელ ბაბოშს და პოლონელ როსოლსკას 7:5, 6:1 მოუგეს.

აქვე ვთქვათ, რომ ბუდაპეშტის ტურნირის ფინალში გასვლისთვის 200 ქულა გათვალისწინებული, ჩემპიონებს კი 280 ქულა ერგებათ.