ბრისბენის საერთაშორისო ტურნირის (საპრიზო ფონდი მილიონი დოლარი) პირველ საკვალიფიკაციო რაუნდში ქართველი ჩოგბურთელი ანა ტატიშვილი ავსტრალიელ ანასტასია როდიონოვას ეთამაშება. მომავალი მატჩი პირველ კორტზე შედგება და სტარტს თბილისის დროით 08:30 საათისთვის აიღებს.
თუკი საქართველოს პირველმა ჩოგანმა საწყისი ბარიერი დასძლია, მომდევნო წრეში პირველი განთესვის მქონე იაროსლავა შვედოვას (ყაზახეთი) და შტეფანი ვოგტს (ლიხტენშტაინი) შორის უმჯობესს გაეჯიბრება.
ცნობისთვის, ძირითად ბადეში გასვლისთვის 3 მატჩის მოგებაა საჭირო, რისთვისაც ტატიშვილი 25 სარეიტინგო ქულას მიიღებს, საწყისი რაუნდის დაძლევა 13 ქულას იძლევა, კვალიფიკაციის ფინალში გასვლა კი – 18-ს.
