მიდლენდის ტურნირის (საპრიზო ფონდი 100 ათასი დოლარი) მერვედფინალში ანა ტატიშვილი ბრიტანელ ჰიზერ უოტსონთან კი დამარცხდა, თუმცა, წყვილებში მას ჩინებულად შეეწყო და უკვე ნახევარფინალის საგზური მოიპოვა.

DOW CORNING TENNIS CLASSIC-ის მეოთხედფინალში ტატიშვილის და უოტსონის მე-4 ნომრად განთესილი დუეტი ლატვიელი ლიგა დეკმეიერეს და ჩეხი ნიკოლა ფრანკოვას წყვილს დაუპირისპირდა და 6:2, 5:7, 10:6 იმარჯვა.

აღსანიშნავია, რომ ანას და ჰიზერს ფინალში გასვლის ჩინებული შანსი აქვთ, რადგანაც მომავალ მატჩში ნაკლებად ცნობილ ამერიკელებს – ნიკოლ მელიჩარს და ნატალი პლუსკოტას გაეჯიბრებიან.

ცნობისთვის, ქართველმა და ამერიკელმა ჩოგბურთელებმა მიდლენდში უკვე გამოიმუშავეს 50-50 სარეიტინგო ქულა, ნახევარფინალისტებისთვის 85-85 ქულაა გათვალისწინებული, ჩემპიონები კი 140-140 ქულას მიიღებენ.