შესაძლოა, ჯორჯო კიელინის კბენისთვის დასჯილ ლუის სუარესს ვარჯიშის ნება მიეცეს. ბრიტანული მედიის ცნობით, ურუგვაის ეროვნული ნაკრებისა და კატალონიის “ბარსელონას” ფორვარდის ბედი 8 აგვისტოს დანიშნულ სხდომაზე გადაწყდება.
კატალონიური კლუბის წარმომადგენლებმა გუნდის ახალწვეულის 4-თვიანი დისკვალიფიკაცია გაასაჩივრეს. ბარსელონელები სასჯელის მოხსნას არ ელიან, მაგრამ მისი შემსუბუქების დიდი იმედი აქვთ.
არაა გამორიცხული, სპორტულმა არბიტრაჟმა სუარესს გუნდთან ერთად ვარჯიშისა და მატჩებზე დასწრების ნება დართოს.
