ბუქარესტის "სტიაუას" მწვრთნელმა ლაურენტიუ რეგეკამპფმა განაცხადა, რომ შესაძლოა, თბილისის "დინამოსთან" შეხვედრაში რამდენიმე წამყვანი ფეხბურთელი არ ათამაშოს.

"მსურს, რომ ეკონომიურად მივუდგე საკითხს. შუკალას, პიოვაკარისა და პინტილის 2-2 ყვითელი აქვთ, ანუ ზღვარზე არიან და თუ "დინამოსთანაც" მიიღებენ გაფრთხილებას, ფლეი-ოფის პირველ მატჩს გამოტოვებენ. გარისკვა არ მინდა".

ფორვარდ ნიკოლიჩს მცირე ტრავმა აქვს და შესაძლოა, მან ასევე გამოტოვოს "დინამოსთან" მატჩი. პიოვაკარიც და ნიკოლიჩიც ცენტრფორვარდები არიან, როგორც წესი, ერთ-ერთი თამაშობს სასტარტოში, თუმცა შესაძლოა, "დინამოსთან" ორივე მათგანმა იუქმოს. 

რეგეკამპფმა კიდევ ერთხელ შეაქო ქართული გუნდი:

"მნიშვნელოვანი მატჩი გველის. მართალია, თბილისში მოვიგეთ, მაგრამ ხვალაც დაძაბულ თამაშს ველი. თბილისში, როგორც გახსოვთ, მათ 0:0-ისას პენალტი ვერ გაიტანეს. "დინამო" ძლიერი გუნდია და კარგად თამაშობს კონტრშეტევებზე".