28 მარტს საქართველოს მთავრობის სხდომაზე, მინისტრთა კაბინეტმა სპორტისა და ახალგაზრდობის საქმეთა სამინისტროს მიერ ინიცირებული და უწყებათაშორისი საკოორდინაციო საბჭოს მიერ მომზადებული – “სპორტის სახელმწიფო პოლიტიკის დოკუმენტი” დაამტკიცა.
“სპორტის სახელმწიფო პოლიტიკის დოკუმენტზე" მუშაობა ბოლო პერიოდში სპორტისა და ახალგაზრდობის საქმეთა სამინისტროში ინტენსიურად მიმდინარეობდა. 26-გვერდიანი დოკუმენტი განსაზღვრავს სპორტის სფეროში სწორი მიმართულებით განვითარების გზებს.
