დღეს, ქუთაისის „ტორპედომ“ საკუთარ საწვრთნელ ბაზაზე ამხანაგურ მატჩში პირველლიგელ ტყიბულის „მეშახტეს“ უმასპინძლა და 2:1 მოუგო.
ტორპედოელთა ოფიციალური ვებ-გვერდის ცნობით, მწვრთნელმა რევაზ ძოძუაშვილმა თითოეულ ტაიმში სხვადასხვა შემადგენლობა გაიყვანა მინდორზე (თავიდან ბოლომდე მხოლოდ მეკარე თებიძემ ითამაშა).
ტორპედოელთაგან გოლები ბექა ტუღუშმა და გოგი გოგიჩაიშვილმა გაიტანეს. პირველმა მათგანმა მეკარეს გადაუგდო თავს ზემოთ ბურთი, მეორემ კი შორი მანძილიდან მოახვედრა მეტოქის კარის „ცხრიანში“.
სტუმართაგან გოლი ლევან შავგულიძემ მიითვალა.
“ტორპედო“ პირველ ტაიმში: თებიძე, ხარაბაძე, ნაცვლიშვილი, კიკნაველიძე, ბენაშვილი, მამასახლისი, ტუღუში, ბაბუნაშვილი, ჭედია, ღონღაძე.
მეორე ტაიმში: თებიძე, გელაშვილი, კოხრეიძე, დუდუჩავა, შენგელია, ამბარდნიშვილი, გიორგაძე, ნამიჭეიშვილი, ტვილდიანი, გოგიჩაიშვილი, ხურციძე.
“მეშახტე”: გიორგაძე (გორდეზიანი 46), ჩუბინიძე (ბ. ჩხეტიანი 46), ჩხარტიშვილი, ბაქრაძე, გვენეტაძე, გოგიჩაძე, ბრეგაძე, გოდერიძე, შავვგულიძე, შარვაძე.
