მადრიდის "რეალის" ყოფილმა ნახევარმცველმა ული შტილიკემ, რომელიც ბოლო დროს ყატარული კლუბის "ალ-არაბის" მთავარი მწვრთნელი გახლდათ, სამხრეთ კორეის ნაკრები ჩაიბარა.
კორეის ფეხბურთის ფედერაციის ოფიციალური ვებგვერდის ცნობით, გერმანელი სპეციალისტი აზიელებთან 4-წლიან კონტრაქტს გააფორმებს.
ბრაზილიაში გამართულ მუნდიალზე კორეელებმა წარუმატებლად იასპარეზეს და მთავარი მწვრთნელი მიუნგ-ბო ჰონგი გაანთავისუფლეს.
ული შტილიკეს სანაკრებო დონეზე გამოცდილება უკვე აქვს, წლების განმავლობაში გერმანელი შვეიცარიის და კოტდივუარის ეროვნულ ნაკრებებს წვრთნიდა.
გიორგი ბალახაძე
