გიორგი შერმადინისა და ვიქტორ სანიკიძის "სარაგოსამ" ესპანეთის პრიმერადივიზიონში მორიგი გამარჯვება მოიპოვა. სარაგოსელებმა "ბილბაოს" უმასპინძლეს და საკმაოდ იოლად - 88:72 დაამარცხეს.

არაგონული გუნდის გამარჯვებაში ქართელების წვლილი უდიდესია. შერმადინი საერთო სარგებლიანობით სარაგოსელთა შორის მეორე იყო პედრო ლომპარტის შემდეგ. გიორგიმ სასტარტო ხუთეულში ითამაშა 21 წუთი დასჭირდა 14 ქულის მოსაგროვებლად. ქართველმა ცენტრმა 6-დან 5 ორქულიანი და 4-დან 4 საჯარიმო ჩააგდო. მის ანგარიშზე 14 ქულსთან ერთად 2 მოხსნა, 1 პასი და 2 ჩაჭრა დაგროვდა.

ვიქტორ სანიკიძეც სასტარტოში იყო და მოედანზე 27 წუთი გაატარა. ვიქტორმა 3-დან 3 ორქულიანი და 7-დან 2 საჯარიმო ჩააგდო, 3 სამიანი კი ააცილა. 8 ქულასთან ერთად სანიკიძემ 9 მოხსნა, 1 პასი და 2 ჩაჭრა დააგროვა, ბურთი კი 2-ჯერ დაკარგა.

"სარაგოსაში" საუკეთესო შედეგი, როგორც ვთქვით, პედრო ლომპარტს ჰქონდა - 16 ქულა და 6 პასი. ბილბაოელთაგან კი საუკეთესოები ესპანეთის ეროვნული ნაკრების წევრები - ხერმან გაბრიელი (19 ქულა) და ალექს მუმბრუ (11) გახლდნენ.

"სარაგოსას" 10 მოგების წილ 8 მარცხი აქვს და ამ შედეგით მე-6 ადგილზეა გამაგრებული. პრიმერადივიზიონში მომდევნო მატჩს ქართველების გუნდი 16 თებერვალს, სტუმრად, "ტენერიფესთან" გამართავს.

www.gbf.ge