ეროვნული საკალათბურთო ასოციაციის (NBA) კლუბებს – “ბოსტონ სელტიქსსა” და “ბრუკლინ ნეთსს” შორის გრანდიოზული გარიგება განხორციელდა, რომელმაც ქართველი გულშემატკივრისთვისაც საინტერესო შედეგი მოიტანა. საქართველოს ეროვნული ნაკრების ფორვარდმა თორნიკე შენგელიამ, რომელსაც გასულ სეზონში “ბრუკლინის” მაისურით დიდი სათამაშო დრო არ ეძლეოდა, “ბოსტონის” რიგებს მიაშურა.

გარიგების მთავარი მონაწილეები “სელტიქსის” ლიდერები – კევინ გარნეტი და პოლ პირსი იყვნენ, რომელთა სანაცვლოდაც, ბოსტონელებმა შენგელიას გარდა, ასევე ფორვარდები კრის ჰამფრისი, რეჯი ევანსი და ჯერალდ უოლესი და მცველი კიტ ბოგანზი მიიღო.

ამასთან ერთად, “ნეთსს” მიაშურა ჯეისონ ტერიმ, “ბოსტონს” კი კრის ჯოზეფი და 2014, 2016 და 2018 წლების დრაფტის არჩევანი ერგო. გარიგების დეტალები უკვე შეთანხმებულია და იგი ოფიციალურად 10 ივლისს გაფორმდება.