უკრაინის ქალაქ ბუჩაში დასრულებულ საერთაშორისო ტურნირზე წარმატებულად ითამაშეს ქართველმა სოფო შაფათავამ და უკრაინელმა ანასტასია ვასილიევამ, რომელთაც პირველი განთესვა ჰქონდათ და ფავორიტის სტატუსი სრულად გაამართლეს.

შაფათავას და ვასილიევას ჩემპიონობისთვის 4 მატჩის მოგება დასჭირდათ. სოფომ და ანასტასიამ უკრაინელებს – სოტნიკოვას და ზაკარლიუკს 6:1, 7:5 სძლიეს, რუს დოროშინას და უკრაინელ იანჩუკს 7:6 (7:2), 6:0 მოუგეს, იტალიელი ბარბიერი და ბულგარელი შინიკოვა (მე-3 განთესვა) 6:7 (5:7), 6:2, 10:5 დაამარცხეს, ფინალში კი უკრაინელ კალინინას და რუს კულიჩკოვას გაუმკლავდნენ – 7:6 (7:4), 6:2.

ცნობისთვის, შაფათავა მე-2 განთესვით ერთეულთა ტურნირშიც თამაშობდა, სადაც ნახევარფინალამდე მისვლა მოახერხა, იქ კი რუს პოლინა ვინოგრადოვასთან 4:6, 0:6 წააგო.