ინგლისურმა “ლივერპულმა” ფრანგული “პარი სენ-ჟერმენისგან” უკანახაზელი მამადუ სახო შეიძინა. ამ ინფორმაციას “წითლების” ოფიციალური საიტი ადასტურებს.
“აქ იმის გამო მოვედი, რომ “ლივერპულის” პროექტი მაინტერესებდა. ჩემს პირველ მატჩს მოუთმენლად ველი”, - განაცხადა ფრანგმა მცველმა.
ჯერჯერობით, კონტრაქტის დეტალები არ ხმაურდება, მაგრამ ცნობილია, რომ სახომ მერსისაიდელებთან ხანგრძლივი ხელშეკრულება გააფორმა. რამდენადაც ბრიტანული მედიასაშუალებებისთვისაა ცნობილი, “ლივერპულს” ფრანგის ტრანსფერი 19 მილიონი ევრო დაუჯდა.
