არგენტინელმა ფორვარდმა მაურო სარატემ, რომელმაც რომის "ლაციოსთან" კონტრაქტი გაწყვიტა,  მშობლიურ “ველესს” მიაშურა. ამ ინფორმაციას არგენტინული კლუბის ოფიციალური საიტი ადასტურებს.

მოგეხსენებათ, სარატე “ველესის” აღზრდილია და ამ კლუბის ღირსებას 2004-2007 წლებში იცავდა. მის შემადგენლობაში, თავდამსხმელი არგენტინის ჩემპიონი გახდა. ამის შემდეგ, სარატე ყატარულ “ალ სადში” გადაბარგდა, საიდანაც ინგლისურ “ბირმინგემში” აღმოჩნდა. 2008 წლიდან, სარატე იტალიის ჩემპიონატში ასპარეზობდა – რომის “ლაციოსა” და მილანის “ინტერში” (იჯარით).

აღსანიშნავია, რომ სარატეს გადაბირება მოსკოვის “სპარტაკს” სურდა.