ესპანეთის საკალათბურთო ჩემპიონატის მორიგ ტურში ვიქტორ სანიკიძის “სარაგოსამ” მალაგის “უნიკახას” უმასპინძლა და 81:91 წააგო. შეხვედრის ბედი მე-3 მეოთხედში გადაწყდა, რომელიც სტუმრებმა 25:10 მოიგეს.
ქართველი კალათბურთელი სასტარტო ხუთეულში იყო და 23:56 წუთში 8 ქულა, 5 მოხსნა, 2 ჩაჭრა და 1 დაფარება მოაგროვა. სანიკიძემ 4-ვე ორქულიანი გამოიყენა, 2 სამქულიანი ააცილა, ბურთი ერთხელ დაკარგა, ერთხელ დაჯარიმდა და მის წინააღმდეგაც თამაშის წესები ერთხელ დაირღვა.
16 მოგებით და 12 მარცხით, არაგონელები მე-6 ადგილზე დარჩნენ.
მნიშვნელოვანი გამარჯვება იზეიმა ბექა ბურჯანაძის “კახასოლმა”, რომელიც საპლეიოფო რვეულში მოსახვედრად იბრძვის.
სევილიელებმა სტუმრად ერთ-ერთი აუტსაიდერი “
ბურჯანაძემ მოედანზე 06:37 წუთი გაატარა და აქტივში 1 მოხსნა ჰქონდა, პასივში კი პერსონალური ფოლი.
