დუდა სანაძის “სან დიეგო ტორეროსმა” საკუთრ კონფერენციაში უკვე მეორე მატჩი წააგო. სანდიეგოელები “ლოიოლა მერიმაუნთის” უნივერსიტეტს ესტუმრნენ და დაძაბულ ბრძოლაში – 62:65 დამარცხდნენ.

პირველად, მიმდინარე სეზონში, ქართველი ლეგიონერი სასტარტო ხუთეულში არ იმყოფებოდა, თუმცა სანაძე სანდიეგოელთაგან ერთ-ერთი მოწინავე იყო და სეზონის საუკეთესო მატჩი ჩაატარა. დუდას ორმაგ დუბლამდე 1 მოხსნა დააკლდა.

სანაძემ მოედანზე 29 წუთი გაატარა და 18 ქულა, 9 მოხსნა და 1 პასი მოაგროვა, ბურთი კი 2-ჯერ დაკარგა. ქართველმა უკანახაზელმა 6-დან 4 ორქულიანი, 6-დან 3 სამიანი და 1-დან 1 საჯარიმო ჩააგდო. სანაძეზე მეტი, 28 ქულა მხოლოდ ჯონი დიმ მოაგროვა, თუმცა ამ 2 კალათბურთელის მოწადინება საკმარისი არ აღმოჩნდა გამარჯვების მოსაპოვებლად.

2-დან 2 წაგებით “სან დიეგო” 10-გუნდიან “ვესთ ქოუსთის” კონფერენციაში მე-9 ადგილზე იმყოფება. მომდევნო მატჩს “ტორეროსი” მომავალ წელს, 4 იანვარს გამართავს. სანდიეგოელები “ბრიგჰემ იანგის” უნივერსიტეტს უმასპინძლებენ.

www.gbf.ge