სან ანტონიოში საჩემპიონო აღლუმი შედგა, რომელიც ადგილობრივი “სპურზის” ნბა-ს 2013-14 წლების სეზონში გამარჯვებას მიეძღვნა. შეგახსენებთ, რომ გადამწყვეტ სერიაში, ტეხასელებმა უწინდელი ჩემპიონი “მაიამი ჰითი” 4:1 გაანადგურეს.

“სპურზის” კალათბურთელები მდინარე სან ანტონიოზე სპეციალური ნავებით დაეშვნენ. ქალაქის ყველაზე დიდ და ცნობილ რაიონში მათ ლამის მთელი ქალაქი ესალმებოდა.

32-გრადუსიანი სიცხის მიუხედავად, მდინარის პირას 100 ათასამდე ადამიანი იყო “გამოფენილი”, არენა “ალამოდომზე” კი მათ კიდევ 75 ათასი ქომაგი შეემატა.

“კარგად მახსოვს, გასულ წელს როგორ ვტიროდი. მთელს ქალაქში ასეთი განწყობა იყო. შარშანდელი მარცხი ძალიან მწარე იყო. სამაგიეროდ, ახლანდელი გამარჯვება უტკბილესია. თანაც, გამარჯვება ჩინებულ სტილში მოვახერხეთ. ყველა მოგებულ შეხვედრაში სხვაობა უდიდესი გახლდათ. წარმოუდგენელი დაბრუნებაა”, - განაცხადა “სპურზის” ერთ-ერთმა ქომაგმა როზალინდა გონზალესმა.

http://www.youtube.com/watch?v=vL3Q0JUV17o