“მანჩესტერ იუნაიტედის” ერთ-ერთი ლიდერი უეინ რუნი გუნდის მთავარი მწვრთნელის - ლუის ვან გალის მუშაობით კმაყოფილია. ინგლისელს ჰოლანდიელი სპეციალისტის ვარჯიშები მოსწონს და მომდევნო სეზონს იმედიანად უყურებს.

“შესანიშნავია, რომ ჩემს ასაკშიც კი, ახალ ტაქტიკურ სქემებსა და სათამაშო სისტემებს ვიგებ. ეს პროგრესირებაში მეხმარება და გუნდისთვის უფრო სასარგებლო ვხდები. ეჭვი არ მეპარება იმაში, რომ მოვუმატებთ. მახარებს ის ფაქტი, რომ ჩემს საყვარელ პოზიციაზე ვითამაშებ. რაც უფრო ახლოს ხარ მეტოქის კართან, გოლის გატანის მეტი შანსია”, - განუცხადა რუნიმ ბრიტანულ მედიას.

სავარაუდოდ, “მანჩესტერი” მომდევნო სეზონში 3-5-2 ტაქტიკური სქემით იასპარეზებს.