რუსეთის საფეხბურთო პრემიერლიგის კლუბ “როსტოვის” ვიცე-პრეზიდენტმა ალექსანდრე შიკუნოვმა განაცხადა, რომ მოსკოვის “სპარტაკიდან” ჯანო ანანიძის ტრანსფერის გამოსასყიდი თანხა, დონისპირულ კლუბს არ აქვს.
“ჯანოს ტრანსფერის გამოსყიდვა? არა, “როსტოვს” ამის საშუალება არ აქვს. თუ ის მოსკოველებს სჭირდებათ, მაშინ მათ რიგებში ითამაშებს. ყველაფერი მარტივია”, – იუწყება შიკუნოვის სიტყვებს გამოცემა “სპორტ-ექსპრესი”.
შიკუნოვის თქმით, ანანიძისა და არტიომ ძიუბას “როსტოვში” დარჩენა-არდარჩენის საკითხი, “სპარტაკში” ახალი მთავარი მწვრთნელის დანიშვნის შემდეგ გაირკვევა.
