მადრიდის "რეალის" თავდამსხმელი კრიშტიანუ რონალდუ მიუნხენის "ბაიერნთან" მოგებული მატჩით კმაყოფილია და აღნიშნავს, რომ მისმა გუნდმა ევროპაში საუკეთესოობა დაამტკიცა.
"ფინალში დამსახურებულად გავედით, რადგან ძალიან კარგად ვითამაშეთ. ახლა ფინალი გველოდება და უნდა შევეცადოთ, რომ მოვიგოთ. ნახევარფინალის პირველ მატჩამდე ჩვენი შანსები 50/50-ზე იყო, ორ მატჩში კი დავამტკიცეთ, რომ ევროპაში საუკეთესო კლუბი ვართ.
წლევანდელ ჩემპიონთა ლიგაზე ნაბიჯ-ნაბიჯ, მატჩიდან მატჩამდე სათამაშო ხარისხს ვუმატებდით და ფინალს ძალიან კარგ ფორმაში შევხვდებით. ფინალი ჩემს მშობლიურ ქვეყანაში გაიმართება და მინდა ჩემპიონთა ლიგის გამარჯვებული გავხდე." _ განუცხადა უეფას ოფიციალურ საიტს კრიშტიანუ რონალდუმ.
შეგახსენებთ, რომ "რეალის" მომავალი მეტოქე დღეს, ლონდონში "ჩელსისა" და "ატლეტიკოს" დაპირისპირებაში გაირკვევა.
გიორგი ბალახაძე
