პსჟ-ს, "ბარსელონას", "მილანის", "ფლამენგოს" და აწ უკვე "ატლეტიკო მინეიროს" ყოფილმა შემტევმა, ბრაზილიელმა რონალდინიომ, სათამაშოდ მექსიკის კლუბ "კერეტაროს" მიაშურა. აღნიშნული ინფორმაცია კლუბის ოფიციალურმა ვებგვერდმა დაადასტურა.

სამხრეთამერიკელმა ვარსკვლავმა მექსიკურ კლუბთან ორწლიანი კონტრაქტი გააფორმა.

აქვე ისიც ვთქვათ, რომ მექსიკის აპერტურაში "კერეტარო" 7 ტურის შემდეგ, 10 ქულით მე-8 ადგილზე იმყოფება.

ბოლოდროინდელი ინფორმაციით, რონალდინიოს რამდენიმე კლუბს უკავშირებდნენ, მათ შორის მექსიკურ "ამერიკასაც", თუმცა ბრაზილიელმა არჩევანი მაინც "კერეტაროზე" გააკეთა.

გიორგი ბალახაძე