იტალიური “რომა” ფრანგული “ლილის” ფორვარდის – სალომონ კალუს შეძენითაა დაინტერესებული. ფრანგული მედიის ცნობით, “ჯალოროსი” 28 წლის კოტდივუარელის გადაბირებას ზაფხულის სატრანსფერო სეზონში ეცდება.
თავის მხრივ, “ლილს” ფინანსური პრობლემები აქვს და აფრიკელის გასხვისების წინააღმდეგი არაა. მოსალოდნელი გარიგების ფინანსური დეტალები, ჯერჯერობით, უცნობია. საგულისხმოა, რომ რომაელები კალუს ტრანსფერის გაჩარხვას დიდი ხანია ცდილობენ.
ცნობისათვის, საფრანგეთის ჩემპიონატის გასულ სეზონში, კალუმ 38 მატჩში 16 გოლი გაიტანა და 5 საგოლე პასი გააკეთა.
