კატალონიის “ბარსელონამ” იტალიურ “რომას” მარკინიოსის ტრანსფერზე ოფიციალურად მიმართა, მაგრამ უარი მიიღო. Sky Italy-ს ცნობით, “ჯალოროსის” ხელმძღვანელობამ განაცხადა, რომ კლუბი ახალგაზრდა ბრაზილიელის გაყიდვას არ გეგმავს.

რა რაოდენობის თანხა შესთავაზა “ბარსელონამ” “რომას”, უცნობია. გავრცელებული ინფორმაციით, მადრიდის “რეალი” მარკინიოსში 26 მილიონ ევროს იხდიდა, მაგრამ რომაელებმა მცველი არ დათმეს.

ცნობისათვის, იტალიის ჩემპიონატის გასულ სეზონში, მარკინიოსმა 26 მატჩი ჩაატარა.