“ლივერპულის” მთავარმა მწვრთნელმა ბრენდან როჯერსმა ლუის სუარესის შესაძლო წასვლის შესახებ ისაუბრა.
“ყველაფერი მარტივადაა. ახლა კლუბი მთლიანად აკონტროლებს სიტუაციას, - ამბობს როჯერსი, - ფეხბურთელების აზრს პატივს ვცემთ, მაგრამ გადამწყვეტი სიტყვა ყოველთვის კლუბს ეკუთვნის. აქ, “ენფილდზე” რაღაც ახლის შექმნას ვცდილობთ და სუარესი ამ პროექტის მნიშვნელოვანი ნაწილია. მისი ხასიათიდან გამომდინარე, ყოველთვის ბოლომდე იხარჯება, ეს კი “ლივერპულის” სტილია.”
სუარესის გარშემო რამდენიმე თვეა ჭორ-მართალი არ წყდება. შეგახსენებთ, რომ პრემიერლიგის 34-ე ტურში, “ლივერპული” – “ჩელსის” მატჩში, ურუგვაელმა სერბ ბრანისლავ ივანოვიჩს უკბინა და 10-მატჩიანი დისკვალიფიკაცია მიიღო. ამის შემდეგ მან გუნდიდან წასვლის სურვილი გამოთქვა. ახლა ყველაზე სავარაუდო მომავალ კლუბად მადრიდის “რეალს” ასახელებენ, თავად კი კონფედერაციის თასზე ასპარეზობს ურუგვაის ნაკრებში.
