ინგლისური “ლივერპულის” მეკარე პეპე რეინა მომდევნო სეზონს იჯარის წესით იტალიურ “ნაპოლიში” გაატარებს. ამ ინფორმაციას მერსისაიდელთა ოფიციალური საიტი ადასტურებს.

30 წლის ესპანელი ნეაპოლში მხოლოდ 2013-2014 წლების სეზონში იასპარეზებს, შემდეგ კი, “ენფილდზე” დაბრუნდება. გარიგების ფინანსური მხარე, ჯერჯერობით, უცნობია.

ცნობისათვის, რეინა “ლივერპულში” 2005 წლიდან ირიცხება. მან “წითლების” კარი 395 მატჩში დაიცვა.