როგორც chatsports.com იტყობინება, “მაიამი ჰიტის” პრეზიდენტის პატ რაილის განცხადებას იმის თაობაზედ, რომ გუნდის ძირითადი გამთამაშებელი მარიო ჩელმერსი უნდა იყოს, ნორის კოული გამოეხმაურა და აღნიშნა, რომ ძირითადში სათამაშოდ მზადაა.

NBA-ს წინა სეზონში, ისევე როგორც ბოლო წლებში, “მაიამის” ძირითადი გამთამაშებელი სწორედ ჩელმერსია, ხოლო კოული მოედანზე ჩელმერსის შემცვლელად გამოდის.   

25 წლის გამთამაშებელმა ნორის კოულმა NBA-ს კარიერა 2011 წელს “მაიამი ჰიტში” დაიწყო. 2013-14 წლების სეზონში, ნორის კოულის მონაგარი საშუალოდ ერთ მატჩში 6.4 ქულა და 3 პასი გახლდათ.

28 წლის მარიო ჩელმერსი 2008 წლიდან ირიცხება “მაიამი ჰიტში”. სუპერმარიო 2012-13 წლებში გუნდთან ერთად NBA-ს ჩემპიონი გახდა. 2013-14 წლების სეზონში ჩელმერსის მონაგარი საშუალოდ ერთ მატჩში 9.8 ქულა და 4.9 პასი იყო.

ლაშა ქოიავა