სუპრელიგის ერთ-ერთმა საუკეთესო გუნდმა “ქუთაისი-2010”-მა, რომელიც ზედიზედ მესამე სეზონია ნახევარფინალს მიღმა არ რჩება, 2013-14 წლების სეზონისთვის, გუნდის დაკომპლექტება დაასრულა.

ამის შესახებ, “მსოფლიო სპორტს” გუნდის მთავარმა მწვრთნელომა მალხაზ კოხრეიძემ განუცხადა.

გთავაზობთ “ქუთაისი-2010”-ის შემადგენლობას, სადაც 12 კალათბურთელია შეყვანილი. ესენი არიან: გოგა ცეკვავა, ზაურ ფაშაევი, ლევან გრძელიძე, გიგი ბარბაქაძე, დავით ბარბაქაძე, რევაზ დიდია, უჩა გამრეკლიძე, გიორგი ცირეკიძე, ავთანდილ ლომინაშვილი, აკაკი დვალიშვილი, ნოდარ მესხი, დიმიტრი დვალიშვილი.

მთავარი მწვრთნელი – მალხაზ კოხრეიძე

პრეზიდენტი – კონსტანტინე ჭეიშვილი

სპორტული დირექტორი – ლომერ ახვლედიანი

შეგახსენებთ, რომ გუნდი, სხვადასხვა მიზეზით, მთავარმა მწვრთნელმა დავით უსტიაშვილმა, სპორტულმა დირექტორმა თენგიზ ბიბიჩაძემ და მოედნის მოთამაშეებმა: ბუბა კვიმსაძემ, თეიმურაზ ბაბუნაშვილმა (ორივე “არმია”) და რიჩარდ მათიაშვილმა (“ოლიმპი”) დატოვეს.

მთავარ მწვრთნელ კოხრეიძესთან ერთად, გუნდს ცეკვავა (“რუსთავი”), ცირეკიძე (“ოლიმპი”) და დიმიტრი დვალიშვილი (სტუ) დაუბრუნდნენ.

“ქუთაისი-2010”-ის ბავშვთა გუნდიდან გამრეკლიძე აიყვანეს. რაც შეეხება აკაკი დვალიშვილს, მას “ქუთაისი-2010”-ში აქამდე არასდროს უთამაშია _ ბოლოს, ქვეყნის ვიცე ჩემპიონსა და სუპერთასის მფლობელ “ოლიმპში” გამოდიოდა.