გერმანიის სამოყვარულო ლიგაში ქართველი მწვრთნელი მუშაობს. საუბარია, 39 წლის ხვიჩა შუბითიძეზე, რომელიც “ლვბ ლაიპციგს” წვრთნის.
39 წლის შუბითიძეს გერმანიის ქვედა ლიგებში არაერთ კლუბში უთამაშია. თუმცა, ყველაზე წარმატებული პერიოდი აუე-ში და “ზანქტ-პაულიში” ჰქონდა, რომელთა შემადგენლობაში მეორე ბუნდესლიგაში გამოდიოდა.
მან კარიერა შარშან სწორედ ხსენებულ “ლაიპციგში” დაასრულა, ხოლო ამჟამად ამ გუნდის მწვრთნელია.
საქართველოში შუბითიძეს თბილისის “იმედის”, “თეთრი არწივისა” და “შევარდენის” ღირსება დაუცავს.
