მოსკოვში მიმდინარე საერთაშორისო საჭადრაკო ფესტივალზე, რუსეთის თასის ეგიდით მიმდინარე ქალთა ტურნირში, ნაზი პაიკიძე (2411) რუს დარია ჩაროჩკინას (2358) დაუზავდა და 4.5 ქულა მოაგროვა. შედეგად, დამატებითი მაჩვენებლებით, პაიკიძე მე-4 ადგილზე იმყოფება.
ნაზის დარი მონაგარი კიდევ ხუთ მოჭადრაკეს აქვს, რომელთაგან ერთ-ერთ რუს მარია რომანკოს (2389) ქართველი მე-6 ტურში დაუპირისპირდება.
სტუდენტ გოგონათა ტურნირში ლიდერობა დათმო პირველი რეიტინგის (2426) მქონე ნინო ბაციაშვილმა, რომელმაც მე-5 ტურში შავი ფიგურებით ყაიმი რუს ალინა კაშლინსკაიასთან (2389) გააფორმა და 3.5 ქულა მოაგროვა, პირველ ადგილზე კი ბელორუსმა ნასტასია ზიაზულკინამ (2290) გადაინაცვლა 4.0 ქულით. მე-6 ტურში ბაციაშვილი თეთრებით რუს ალეკსანდრა გორიაჩკინას (2333) ეთამაშება.       
შეგახსენებთ, რომ Moscow Open-ი შვეიცარიული სისტემით 9 ტურად მიმდინარეობს და 5 თებერვალს დასრულდება.