ირანის ქალაქ რეშტში დასრულებულ საერთაშორისო საჭადრაკო ტურნირზე ქართველ მონაწილეთაგან უკეთესი შედეგი ბაჩანა მორჩიაშვილმა (2335) აჩვენა, რომელმაც 9 ტურში 6.0 ქულა მიითვალა და დამატებითი მაჩვენებლებით, მე-18 ადგილი ერგო.

აქტივში 5.0 ქულა აღმოაჩნდა ივერი ჭიღლაძეს, რომელიც ტურნირის პირველ ნახევარში ლიდერთა შორისაც კი იყო, თუმცა, დასკვნით ტურებში წარუმატებლად იასპარეზა და 5.0 ქულით მხოლოდ 34-ე საფეხური დაიკავა.

ირანული შეჯიბრის გამარჯვებული აზერბაიჯანელი აზერ მირზოევი (2540) გახდა, რომელმაც 8.0 ქულა მოაგროვა და ჰოლანდიელ სიპკე ერნსტს (2575) დამატებითი მაჩვენებლებით აჯობა, მე-3 კი ირანელი მაგამი გაემი (2547) გახლდათ 7.0 ქულით.