გრძელდება ქალთა საჩოგბურთო ასოციაციის (WTA) მიერ ორგანიზებული აზიური ტურნირები. ამჯერად, ჩინური გუანჟოუ და სამხრეთკორეული სეული მასპინძლობენ შეჯიბრებებს, რომელთა საპრიზო ფონდი 500 ათასი დოლარია.

KIA Korea Open-ის საკვალიფიკაციო ბადეში ოქსანა კალაშნიკოვამ ამერიკელ გრეის მინს 4:6, 6:2, 6:4 სძლია, შემდეგ კი, რუმინელ ანა ბოგდანთან 5:7, 6:7 (4:7) დამარცხდა. წყვილებში კალაშნიკოვა და ჩეხი ვორაცოვა მე-4 ნომრად არიან განთესილნი და პირველ წრეში ხსენებულ ბოგდანს და გერმანელ ფრიედსამს გაეჯიბრებიან, ამდენად, ოქსანას რევანშის აღების შანსი მიეცემა.

Guangzhou International Women’s Open 2014-ის კვალიფიკაციაში მე-6 რეიტინგის მქონე სოფო შაფათავამ საწყისი რაუნდი გამოტოვა, გადამწყვეტ მატჩში კი მე-11 ნომრად მიჩნეულ ჩინელ კაი-ლინ ჟანგთან 4:6, 7:6 (10:8), 2:6 წააგო. წყვილთა ტურნირში შაფათავა და ტაივანელი შუ-ინ ჰსიე ჩინელ ლიანგს და ტაივანელ ჩუანგს დაუპირისპირდებიან.