კატალიონიური “ბარსელონას” კაპიტანმა კარლეს პუიოლმა კარიერა, შესაძლოა, ამერიკული საფეხბურთო ლიგის (MLS) ერთ-ერთ კლუბში განაგრძოს.
ბოლო დღეებში ესპანურ პრესაში გავრცელდა ინფორმაცია, რომ 35 წლის ფეხბურთელს სეზონის დასრულების შემდეგ გუნდის შეცვლა გადაწყვეტილი აქვს. როგორც ახლა ირკვევა, პუიოლის აგენტი მოლაპარაკებებს “ნიუ იორკ რედ ბულთან” და “ნიუ იორკ სიტისთან” აწარმოებს.
კარლეს პუიოლს “ბარსელონასთან” მოქმედი კონტრაქტი 2016 წლამდე აკავშირებს.
