საფრანგეთის ლიგა ერთის ლიდერსა და თითქმის გაჩემპიონებულ “პარი სენ ჟერმენს”, შესაძლოა, ქულები ჩამოაკლონ. ამის მიზეზი, შესაძლოა, პარიზელთა სპორტული დირექტორის, ლეონარდოს ქმედება გახდეს.

ლიგა ერთის გასულ ტურში, “ვალანსიენთან” გამართული შეხვედრის 43-ე წუთზე, აბირტრმა უცნაური გადაწყვეტილება მიიღო და პსჟ-ს კაპიტანი ტიაგუ სილვა მოედნიდან უმიზეზოდ გააგდო. როგორც ცნობილი გახდა, შესვენების დროს, ალექსანდრ კასტროს დერეფანში ლეონარდო დახვდა, რომელმაც არბიტრთან მომხდარის გარჩევის დროს, მას ხელიც ჰკრა.

მომხდართან დაკვაშირებით, კომენტარს თავად ლეონარდო აკეთებს: “ხელი არავისთვის მიკვრია! ნახეთ ვიდეოჩანაწერი, მაგრამ არა მხოლოდ ის, რასაც ჩანალ+ ავრცელებს. პსჟ-სა და “ვალანსიენს” შორის გამართული შეხვედრა კასტროსთვის მხოლოდ მე-10 იყო, რომელიც მან მიმდინარე სეზონში იმსაჯა. ამ არბიტრს უკვე 48 ყვითელი და 5 წითელი ბარათი დაუგროვდა. არ მესმის, რატომ ანდობენ ასეთ მსაჯს ასეთი მნიშვნელოვან მატჩს.”

Goal-ის მიერ გავრცელებული ინფორმაციის თანახმად, სასჯელი ემუქრება როგორც ლეონარდოს, ასევე კლუბსაც. უკანასკნელის შემთხვევაში, შესაძლოა, საქმე ქულების ჩამოკლებამდეც მივიდა. თუ ასე მოხდა, არაა გამორიცხული, საფრანგეთის ჩემპიონობისთვის ბრძოლა დაიძაბოს.